Skuleinformasjon
Skuleåret 2024/25 er det 71 elevar ved skulen fordelt på 1. - 7. trinn. Skulen er fådelt og det betyr at nokre klassar består av to alderstrinn. Skulen er dei siste åra totalrenovert utvendig og våren 2022 kom det ny kunstgrasbane der me før har hatt grusbane.
Skulen og barnehagen ligg vegg i vegg, i fredelege og vakre omgjevnadar, på Fiskå nord i Strand kommune. Her er fjord, vatn, skog og fjell lett å koma til og ta i bruk. Ved Nordre Strand oppvekstsenter er det i dag 109 barn og 23 vaksne.
SFO
Skulen har også ein SFO som mellom anna nyttar naturen, skulegarden og gymsalen til kjekk og variert leik og aktivitet.
Eikehaugen barnehage
Eikehaugen barnehage har to fulle avdelingar, ein småbarnsavdeling (opptil 3 år) og ein avdeling for barn i alderen 3-6 år. Det er 38 barn i barnehagen. Førskulegruppa går til skulen ein dag kvar veke på førskulen. Dei bruker SFO sine lokalar til leik og aktivitetar.
Skulefritidsordninga
Barn mellom 6 og 9 år og funksjonshemma barn opp til 7. klasse kan gå i skulefritidsordninga (SFO). Alle som vil ha plass, får det, med mindre SFO ikkje kan gi eit godt nok tilbod.
Les meir om SFO her.
Om skulemjølkordninga
- Skolelyst er namnet på skulemjølkordninga frå TINE.
- Du bestiller og betalar direkte til TINE på www.skolelyst.no.
- Mjølka blir utlevert på skulen.
Utan tilsett sukker
Alle drikkeprodukta på skolelyst.no er utan tilsett sukker eller kunstig søtning, men med eit naturleg innhald av sukker frå råvarene.
Utvalet på skulen
Skulen bestemmer sjølv kva produkt me ynskjer å tilby, men du vil alltid finne Lettmjølk 0,5 % feitt og Lettmjølk 1 % feitt i sortimentet. Du kan sjå kva produkt Skolelyst tilbyr på skulen på skolelyst.no/produkt.
Spørsmål?
Gå til skolelyst.no/spørsmål eller kontakt oss på telefon 23 288 334 eller på e-post skolelyst@tine.no.
IST Everyday er Strandaskulen sitt skuleadministrative system. For deg som føresett gir IST Home-appen oversikt over dagsaktuelle aktivitetar. Du kan gjennom appen kommunisere med lærarar, melde fråvær og fri, sjekke karakterar og gi digitale samtykke. Lenke til meir informasjon.
IST Everyday
IST har oppretta ei felles påloggingsside for å gjera det enklare for den einskilde. Du vil også finna nyttig informasjon på nettstedet.
Lenke til felles påloggingsside for elev, lærar og administrator.
Som elev må du logge deg på via FEIDE-konto – hugs å velje språk!